Yunan dili və mədəniyyəti üzrə yay seminarları üçün təqaüd proqramı

Yunanıstan Respublikasının Milli Təhsil və Dini İşlər Nazirliyinin 2010-cu ildə Yunan dili və mədəniyyəti üzrə yay seminarları üçün təqaüd proqramı. Proqramda iştirak etmək arzusunda olan namizədlər ərizə forması və lazımi sənədlərlə birlikdə 15 mart 2010-cu il tarixinə kimi Yunanıstan Səfirliyinə müraciət edə bilərlər.
Təqaüd Proqramında iştirak etmək arzusunda olan tələbələr:

   1. Ali təhsilə malik olmalı;
   2. Yunanıstan Hökuməti tərəfindən əvvəllər elan edilən təqaüd proqramlarında iştirak etməməli;

Tələb olunan sənədlər:

   1. Ərizə forması  (2 nüsxədə); yüklə
   2. Şəxsiyyət vəsiqəsi və ya xarici pasportun notarial qaydada təsdiq olunmuş surəti;
   3. Ərizə forması üzərində yerləşdiriləcək bir ədəd foto şəkil;
   4. Tələbənin dil bilikləri haqqında müvafiq sertifikatlar;
   5. CV forması;
   6. Tələbənin məzun olduğu ali təhsil müəssisəsi tərəfindən verilmiş diplom və diplom əlavəsi;
   7. Sağlamlıq haqqında arayış.

Qeyd: Təqdim ediləcək bütün sənədlər 2 nüsxədə olmalı və yunan, ingilis və ya fransız dilinə tərcümə edilməli və notarial qaydada təsdiq olunmalıdır.

Natamam, qeyri-dəqiq və ya qeyri-qanuni sənədlər təqdim etmiş namizədlərin sənədlərinə baxılmayacaqdır.

Proqramda iştirak etmək arzusunda olan namizədlər ərizə forması və lazımi sənədlərlə birlikdə 15 mart 2010-cu il tarixinə kimi Yunanıstan Səfirliyinə müraciət edə bilərlər.

Resurs.Az